Sluitingsdatum: 13 September 2024
Knikkievallei, die nuwe kleuterskool van die MOS Skole Groep en Kenmare Marlothii NPC, is op soek na ‘n energieke, passievolle opvoeder met ’n liefde vir kinders wat ‘n sinvolle bydrae tot die onderriglandskap in die land wil maak.
Daar sal van die skoolhoof verwag word om toesig, bestuur, beplanning, beoordeling en finansiële bestuur van die skool met dié van Die MOS Skole Groep, asook dié van Kenmare Marlothii NPC, te belyn. Dit is deel van die hoof se plig om uitnemende akademiese gehalte, wat innoverend en toekomsgerig is, daar te stel om sodoende lewenslange leerders te kweek. Die hoof sal ook verantwoordelik wees vir die bestuur van die naskoolsentrum van Marlothii Akademie, die naskoolsentrum van Kenmare Marlothii NPC.
